Brottför flugs frá Akureyri er áætluð kl.10:00 þriðjudaginn 28. júní og flogið með slóvenska flugfélaginu Adria Airways til Ljubljana í Slóveníu. Eftir u.þ.b. 4 tíma flug verður ekið beint til Vrsar í Króatíu ca. 200 km, eða rúmlega 2 klst.  Gist verður í 8 nætur á Hotel Pineta.

Fyrsti dagurinn 29.júní, miðvikudagur er frjáls dagur en daginn eftir, þ.e. 30. júní verða tónleikar um kvöldið  í kirkjunni St Mary of the sea í Vrsar.

1. júlí á föstudegi verður farið til Rovinj að morgni, tekin stutt skoðunarferð um bæinn og síðan frjáls tími þar til farið verður að hita upp fyrir tónleika. Tónleikar verða um kvöldið á lítilli eyju (Rauða eyjan) fyrir utan Rovinj – Þar  syngjum við með Teranke og þess má geta að Klapa Teranke er einn vinsælasti sönghópurinn hjá heimafólkinu.

Klapa Terenke

2. júlí verður ekið síðdegis til Pazin og landið skoðað í leiðinni og að kvöldi verða tónleikar í tónlistarhúsinu í Pazin. Hér tekur á móti okkur blandaði kórinn  Roženice – frá Pazin og blandaður kór frá Mengeš í Slóveníu. Eftir tónleika verður sameiginlegur kvöldverður og skemmtun í Pazin.
Ekið til baka til Vrsar að skemmtun lokinni.

Roženice

3. júlí, sunnudag, er frjáls dagur þar sem hver og einn velur sína afþreyingu eða afslöppun.

4. júlí verður bátsferð með léttri fiskimáltíð (fish picnic).  Siglt verður í suðurátt og um Rovinj eyjaklasa, en síðan haldið til Lim-fjarðar.

5. júlí er frjáls dagur

6. júlí, miðvikudag, er brottför frá hóteli um morguninn og þá ekið til Ljubljana og dvalið þar um stund. Brottför flugs JP 942 til Akureyrar kl. 17:15, áætlaður komutími heim er kl. 19:30.

Kórinn hefur í og með æft fyrir þessa ferð í allan vetur og tilhlökkun orðin gífurleg.  Kórkonur eru sem taka þátt í ferðinni eru 47 en með fylgifiskum (svokölluðum puntstráum), kórstjóra og undirleikara telur hópurinn 78 manns.

Sýnishorn af æfingu kórsins 19. júní s.l. má sjá á Facebook síðu kórsins.

 

Kvennakór Akureyrar tekur þátt í dagskrá sjómannadagsins á Akureyri sunnudaginn 5. júní.

Kórinn syngur um kl. 14:15 í hátíðardagskrá sem fram fer fyrir utan Menningarhúsið Hof.

Að því loknu syngur kórinn aftur inni í Hofi,  við veitingastaðinn 1862 Bistro.

Aðgangur er ókeypis og verið hjartanlega velkomin.

Kvennakórinn vinnur nú að undirbúningi tónleika til heiðurs hinum ástkæra tónlistarkennara og afkastamikla tónskáldi Birgi Helgasyni. Á tónleikunum verða flutt lög eftir Birgi sem útsett eru fyrir karlakóra, kvennakóra, blandaða kóra og einsöngvara. Tónleikarnir eru haldnir í samstarfi við Karlakór Akureyrar-Geysi, Hymnodiu kammerkór og Rúnarkórinn og verða haldnir í Akureyrarkirkju fimmtudagskvöldið 3. mars kl. 20:00.

Til að undirbúnings fyrir tónleikana verður Kvennakórinn með æfingahelgi að Húsabakka í Svarfaðardal helgina 27.-28. febrúar. Kórinn vinnur þar einnig að undirbúningi vortónleika og væntanlegrar ferðar til Króatíu í júní.

Kórstarf hefst á nýju ári þann 3. janúar með kóræfingu á venjulegum tíma í Brekkuskóla.

Spennandi tímar eru framundan hjá kórnum eins og reyndar oft áður.  Æfingahelgi verður í febrúar, tónleikar í mars, utanlandsferð í júní og eflaust eitthvað fleira sem síðar kemur í ljós.

Nánari fréttir birtast svo hér jafnóðum.

  „Syngjum jólin saman inn“

er yfirskrift aðventukvölds Kirkjukórs Laugalandsprestakalls sem haldið verður þann 13. desember  kl.  20:30 í Grundarkirkju.

Prestur sr. Hannes Örn Blandon, stjórnandi Daníel Þorsteinsson

Ræðumaður kvöldsins er Hrund Hlöðversdóttir

Sérstakir gestir:  Kvennakór Akureyrar

                

Kvennakór Akureyrar heldur tvenna tónleika um næstu helgi. Tónleikarnir Dívur og drottningar sem haldnir voru s.l. vor verða endurteknir, fyrst í Hömrum í Hofi laugardaginn 31. okt. kl. 16:00 og svo í Ýdölum í Aðaldal sunnudaginn 1. nóv. kl. 15:00.

Kórinn hefur fengið til samstarfs við sig Kvenfélag Aðaldæla, en þær ágætu konur verða með kaffisölu í hléi á tónleikunum  í Ýdölum. Kvenfélagskonurnar reiða fram krásir sem seldar verða fyrir 1300 krónur á mann, en allur ágóði af veitingasölu rennur í sjóð Kvenfélagsins. Kvenfélagið er reyndar ekki með posa, svo munið að taka með reiðufé.

 

Þessi mynd er tekin á tónleikunum í gær þegar allir þátttakendur sameinuðust í að ljúka tónleikunum með laginu: Heyr mína bæn.

Kvennakór Akureyrar var þeirrar ánægju aðnjótandi að fá að syngja með Þórhildi Örvarsdóttur á tónleikunum í gær, en Þórhildur stjórnaði kórnum á árunum 2003-2005.

og verður með á tónleikunum Norðlenskar konur í tónlist, sem haldnir verða í Akureyrarkirkju laugardaginn 24. október kl. 17:00. Tónleikarnir eru hluti af hátíðarhöldum vegna 100 ára kosningaafmælis kvenna.

Norðlenskar tónlistarkonur í samstarfi við KÍTÓN halda tónleika í Akureyrarkirkju laugardaginn 24. október kl. 17.00 í tilefni 40 ára afmælis Kvennafrídagsins. Flutt verður tónlist íslenskra og erlendra tónlistarkvenna sem þær hafa samið og flutt ógleymanlega.

Fram koma:
Helga Kvam, píanó
Kristjana Arngrímsdóttir, söngur
Lára Sóley Jóhannsdóttir, fiðla og söngur
Þórhildur Örvarsdóttir, söngur

Sérstakir gestir eru:
Kvennakór Akureyrar undir stjórn Daníels Þorsteinssonar
Ella Vala Ármannsdóttir, horn
Margrét Arnardóttir, harmóníka
Ragnheiður Gröndal, söngur og píanó

Tónleikarnir eru styrktir af Menningarsjóði Akureyrarbæjar og Sóknaráætlun Norðurlands eystra.

Miðasala hefst miðvikudaginn 14. október kl. 10.00
Miðasala á www.tix.is
https://www.tix.is/is/event/2272/norðlenskar-konur-i-tonlist/
Miðaverð kr. 3.500
Frítt fyrir börn 12 ára og yngri

Í vor flutti Kvennakór Akureyrar tónleika með yfirskriftinni Dívur og drottningar og vöktu þeir mikla lukku. Því var ákveðið að endurflytja tónleikana eftir sumarfrí.

Laugardaginn 31. október kl. 16:00 verður hægt að njóta aftur sömu dagskrár og flutt var í vor í Hömrum, Hofi.

Á efnisskránni verða m.a. lög sem Whithney Houston, Queen og Adele hafa gert fræg.

Einsöngvarar verða Ívar Helgason og Þórhildur Örvarsdóttir.
Aladár Rácz píanóleikari og Pétur Ingólfsson bassaleikari verða meðleikarar, Daníel Þorsteinsson stjórnar.

Á Facebook síðu kórsins getið þið tekið boði um að koma á tónleikana !

Þar að auki…  Tónleikarnir verða einnig í Ýdölum 1. nóvember kl. 15:00