Starf Kvennakórsi Akureyrar hófst miðvikudaginn 16. september með aðalfundi, pizzuveislu og stuttri æfingu. Sigrúna Magna Þórsteinsdóttar (s: 820-7447) er stjórnandi kórsins og við bjóðum hana hjartanlega velkomna aftur til starfa.

Ein kona gekk úr stjórn á aðalfundinum. Þórunn Jónsdóttir og við þökkum henni kærlega fyrir vel unnin störf á liðnum árum. Í hennar stað kom Hildur Arna Grétarsdóttir og við bjóðum hana velkomna til starfa.

Nýja stjórn KvAk skipa núna:
Þuríður Árnadóttir s. 893-0057, formadur@kvak.is, stigurehf@internet.is;
Hildur Arna Grétarsdóttir s. 861-1403, hildurarna69@gmail.com
Kristbjörg Kjartansdóttir, s. 898-5889, kibba57@admin
Sigríður Jónsdóttir, s. 862-1619, gjaldkeri@kvak.is, sigridurj@simnet.is
Sigurlaug Ásta Blomsterberg Grétarsdóttir, s. 895-9869, systagr@gmail.com

Æfingartímar í vetur eru á miðvikudögum kl. 18:00 til 20:00 í Brekkuskóla og við bjóðum nýjar konur hjartanlega velkomnar. Það er ekki skylda að kunna að lesa nótur því í þessum hópi hjálpast allir að.

Eins og nokkur undanfarin misseri þá byrjum við starf vetrarins með því að halda aðalfund. Formlegt aðalfundarboð verður sent og auglýst fljótlega.

Miðvikudaginn 16. september verður fyrsta æfingin en við byrjum á fundi og pizzaveislu og æfingin verður svo í beinu framhaldi. Fundurinn byrjar kl. 18:00 í Brekkuskóla en það er okkar nýi æfingartími.

Miðvikudagar kl. 18:00 til 20:00 í Brekkuskóla.

Sigrún Magna Þórsteinsdóttir er okkar nýi kórstjóri en hún hefur áður stjórnað kórnum.
Bjóðum Sigrúnu hjartanlega velkomna á ný.

Stjórn kórsins vinnur að undirbúningi vetrarins en kórinn á 25 ára afmæli á árinu og af því tilefni verða haldnir tónleikar í Glerárkirkju 28. nóvember kl. 16:00

Dagskrá vetrarins verður uppfærð jafnóðum þegar ákvarðanir hafa verið teknar og dagssetnningar staðfestar. En hana má sjá HÉR

Vetrarstarfið hefst miðvikudaginn 16. september kl. 18:00
Nánar undir liðnum dagskra hér á síðunni og enn nánari upplýsingar innan fárra daga

Landsmót íslenskra kvennakóra sem haldið var í Suðurnesjabæ í júní síðastliðnum, tókst með eindæmum vel og skemmti KvAk sér konunglega.

Hópurinn var einstaklega heppinn með smiðju „Kærar systur“ sem var undir stjórn Ágotu Joó, við undirleik Vilbergs Viggóssonar. Svo ekki sé talað um skemmtilega kvennakórinn Senjóríturnar frá Reykjavík. Virkilega góður félagsskapur.

Þetta var 5. landsmótið sem Kvennakór Akureyrar tekur þátt í og mót númer tvö undir stjórn Valmars Väljaots. Þetta var einnig síðasti viðburðurinn sem kórinn tekur þátt í undir stjórn hans og við þökkum honum kærlega fyrir.

Hér má sjá nokkrar myndir frá mótinu en einnig er hægt að sjá myndir á síðu landsmótsins landsmot.com

Landsmót íslenskra kvennakóra verður haldið 11.-13. júní næstkomandi í Reykjanesbæ. Kvennakór Suðurnesja er gestgjafi mótsins að þessu sinni en þetta er 12. landsmót Gígjunnar, Landssambands íslenskra kvennakóra. Mótin hafa verið haldin víðsvegar um landið á 3ja ára fresti og er þetta í annað skiptið sem Suðurnesjakonur standa fyrir mótinu.
Um 330 kvennakórskonur í 12 kórum frá öllum landshlutum munu koma saman í söng, gleði og tónleikahaldi.

Tvennir tónleikar verða haldnir. Þeir fyrri verða í Hljómahöll, föstudaginn 12.júní þar sem hver kór flytur eigið prógram

Seinni tónleikarnir eru 13. júní í Stapaskóla og bera yfirskriftina „Eldgyðjur“ sem er þema tónleikanna og var valið í tengslum við eldsumbrotin sem hafa verið á Reykjanesi síðustu ár.
Á þessum tónleikum munu kórarnir sameinast og flytja afrakstur sameiginlegra æfinga.
Þá mun hópurinn skiptast í 5 smiðjur sem hafa æft saman prógramm frá 5 smiðjustjórum. Stjórnendur þessara hópa eru Ágota Joó, Arnór B. Vilbergsson, Dagný Þ. Jónsdóttir, Gísli Magna og Rafn Hlíðkvist.
Lagavalið er mjög fjölbreytt, þekkt íslensk lög, kvikmyndatónlist og gospel.
Hápunktur tónleikanna er síðan þegar allur hópurinn sameinast í frumflutningi mótslagsins.
Hefð er fyrir því að sérstakt mótslag er samið fyrir hvert landsmót og tengist það því svæði sem mótið er haldið á. Að þessu sinni er lagahöfundurinn hinn landsþekkti og dáði Suðurnesjamaður Magnús Þór Sigmundsson. Lagið er samið við texta Rutar Gunnarsdóttur sem er fyrrum kórkona Kvennakórs Suðurnesja en hún lést árið 2006 og tengist textinn þema tónleikanna.

Miðar á báða tónleikana eru komnir í sölu. Hér getur þú keypt miða: Miðar

Vonumst til að sjá sem flesta

Síðustu tónleikar kórsins undir stjórn Valmars Väljaots gengu vel og Akureyrarkirkja var nánast full.
Eftir uppklapp þá þakkaði formaður kórsins Þuríður Árnadóttir, Valmari fyrir vel unnin störf.
Að því loknu söng kórinn meðfylgjandi texta eftir Önnu Dóru sem er ein af okkur í KvAk.
Sjá Þakkaróðinn hér fyrir neðan.

Takk fyrir okkur 
Auðvitað er kvennaval í kvennakór, 
sá kvennahópur reynist ekkert alltaf stór. 
En fyrir nokkru lentum við í fjandans vandræðum 
og finna þurftum stjórnanda í grænum hvellinum. 
Þá leitað var um land og haf 
og leitin sú, hún okkur gaf
Valmar nokkurn Víólín, 
hann vermdi okkar sálarskrín, 
því enginn annar eyddi’ í okkur kröftum sín.

Ýmislegt um sönginn hefur karlinn kennt, 
sú kunnátta er okkur alveg dýrðleg mennt. 
Hann telur í og trukkurinn tekur þá af stað 
og tæpast þarf að nefna eða minn’okkur á það 
að bíllinn kemur, bíllinn fer, 
á bremsu ekki stíga ber, 
því sálarlaus þá söngur er 
ef sungið er í gaupnir sér, 
og stundum kannsk’að bæra varir betra er.

Að halda á nýjar slóðir yfir fjall og frón 
ferlega er gaman fyrir heiðurshjón. 
Með Valla okkur hlotnaðir ást og undirspil 
og án hans væri kórinn kannski ekki lengur til, 
því enginn annar vild’okkur, 
en öðlingurinn skild’okkur 
og æddi bara á æfingar 
með undirbúnar ræðurnar 
um farkosti sem bruna upp allar brekkurnar.

Kórinn verður fátækari fyrir vik, 
en flótti Valmars telst þó ei við okkur svik. 
Hann leiður er á fíflum sem flandra um alla lóð 
þó ferlega sé lóðin reyndar núna orðin góð. 
Í Skagafirði skemmtun góð 
að skafa fífla úr sinni lóð 
þá Valmar ásamt Elínu 
mun eiga í heljarbrasinu 
að eiga þar við óvininn í grasinu. 

Auðvitað við óskum þess að allt sé gott 
er Akureyri kveðja þau og halda brott 
með hund og kött og fiðlu og nikku og næstum allt 
og nærbrækurnar síðu svo þeim verði ekki kalt, 
því vetrarhörkur verða þar 
þó veðrið trufli ekki par. 
Með góða skapið skunda má 
og skella sér í flúðir há 
á kajak þegar frítíma þau fá að sjá. 

Höfundur texta Anna Dóra Gunnarsdóttir

Lag: Konuvísur með Savannatríóinu

Virkilega skemmtileg lög úr öllum áttum.
Meðal annarra, And So It Goes með Billy Joel, Must Be Love Laufeyjar, Shallow úr samnefndri kvikmynd, Orð Braga Valdimars, Vaki vornótt Birgis Arasonar, Enn syngur vornótt Sigfúsar Halldórsson og fleiri frábær lög.

Svo má ekki gleyma hina vinsæla kaffihlaðborði kórkvenna.

Hlökkum til að sjá ykkur.

10. maí mun kórinn syngja við messu í Akureyrarkirkju kl 11:00

Eftir hádegi, kl. 14:00 verða vortónleikar Kvennakórs Akureyrar. Okkar árlegu Mæðradagstónleikar. Að þeim loknum býður kórinn upp á veglegt kaffihlaðborð í safnaðarheimilinu.

Aðra helgina í júní heldur kórinn á Landsmót kvennakóra sem að þessu sinni er haldið í Suðurnesjabæ dagana 11. -13. júní.
Kórinn er í sambandi íslenskra kvennakóra og hefur tekið þátt í landsmótum sem haldin eru þriðja hvert ár allt frá árinu 2006.

Kvennakór Akureyrar var með æfingarhelgi 7. til 8. mars.
Valmar kórstjóri kenndi kórnum fullt af nýjum lögum frá morgni til kvölds allan laugardaginn og stutt æfing var svo á sunnudagsmorguninn. Einnig rifjaði hann upp nokkur gömul lög. Petra Björk Pálsdóttir aðstoðaði við fræðsluna.
Hótelið sá um allan aðbúnað, mat og kaffi í öllum hléum og um kvöldið var einstaklega góður hátíðarkvöldverður. Aðbúnaður allur á hótelinu var hinn besti, stjórnun að vanda fullkomin svo ekki sé nú talað um frábæran félagsskapinn. Þessi hópur er einstakur. Konur úr öllum áttum sem hafa það sameiginlega áhugamál að syngja saman og hafa gaman.

Fyrsta æfing ársins 2026 verður sunnudaginn 11. janúar kl. 19:00 til 21:00 í Brekkuskóla