Fyrsta æfing haustsins verður sunnudaginn 17. september kl. 15:00 til 17:00 í Brekkuskóla.
Nýir félagar í allar raddir eru hjartanlega velkomnir í kórinn og þeim bent á að hafa samband við stjórnandann Valmar Väljaots í síma 849-2949
Kvennakór Akureyrar syngur við mæðradagsmessu í Akureyrarkirkju sunnudaginn 14. maí nk. kl. 11:00.
Kl. 14:00 sama dag verða vortónleikar kórsins haldnir í kirkjunni. En eftir tónleikana verður boðið upp á glæsilegt kaffihlaðborð í safnaðarheimilinu.
Aðgangseyrir er 4.000 krónur (söng- og kaffihlaðborð).
Athugið að enginn „posi“ verður á staðnum.
Kórstjóri og meðleikari er Valmar Valjaots.
Fjölbreytt efnisskrá. Verið hjartanlega velkomin!
Myndin er frá landsmóti kvennakóra á Akureyri 2014
Landsmót íslenskra kvennakóra (Gígjunnar) verður haldið í Reykjavík dagana 4. – 6. maí 2023. Slík mót eru haldin 3ja hvert ár, en var frestað 2020 þangað til nú og er þetta 11. mótið sem haldið hefur verið.
Á þessum mótum hittast kórkonur hvaðanæva af landinu og syngja saman, syngja fyrir aðra kóra, hlusta á aðra kóra, læra eitthvað nýtt og taka þátt í söngsmiðjum.
Í ár taka 14 kvennakórar þátt í mótinu og þar á meðal Kvennakór Akureyrar. Nánar um landsmótið á https://www.landsmot.com/
Afrakstur mótsins verður svo fluttur á tvennum tónleikum:
Fös. 5. maí kl. 18.00 – 20.00 Syngjandi vor, tónleikar kóranna í Eldborg í Hörpu
Lau. 6. maí kl. 15.00 – 17.00 Smiðjutónleikar og sameiginlegu lögin í Háskólabíói
Miðasala fyrir tónleika kóranna í Eldborg er hér: https://www.harpa.is/syngjandi-vor-tonleikar-islenskra-kvennakora-i-eldborg
og viðburður á facebook er hér: https://www.facebook.com/events/734633745002626/
Miðinn kostar 4.000 kr en boðið er upp á tilboð – tveir miðar á verði eins – til 25. apríl og gildir miðinn einnig á smiðjutónleikana í Háskólabíó. Betra gerist það varla, tvennir tónleikar – sannkölluð tónleikaveisla fyrir 2.000 kr. er gjöf en ekki gjald.
Í dag, 19. mars, verður kóræfing með örlítið öðrum hætti en vanalega.
Kl. 16:00 til 17:30 verður æfing fyrir alt raddir.
Kl. 17:30 til 19:00 verður æfing fyrir sópran raddir.
Æfingar verða með hefðbundnum hætti næstu tvo sunnudaga kl. 17:00 til 19:00
10. febrúar ætlum við að gera okkur dagamun. Fara út að borða og skemmta okkur saman.
Engin æfing verður sunnudaginn 12. febrúar. Við verðum duglegar að æfa okkur heima.
Laugardaginn 25. febrúar hefst fyrsta æfingarhelgi ársins. Sópranraddir munu æfa milli kl. 10:00 og 12:00 og altraddir milli kl. 13:00 og 16:00 með smá kaffipásu. Samæfing verður svo á sunnudeginum kl. 16:00 til 18:00
Báðar alt raddirnar eiga að mæta stundvíslega kl: 16:00 og verða til 17:30.
Húsið verður opnað 10 mínútum fyrir æfingu og við hjálpumst að við að raða upp stólum eins og alltaf.
Báðar sópran raddirnar mæta svo stundvíslega kl. 17:30 og verða til 19:00
Þær munu svo ganga frá eftir æfinguna. Raða upp stólum, slökkva ljós og læsa húsinu.
Munið eftir nýjum nótum
Kjörið tækifæri fyrir nýjar konur að koma núna.
Fyrsta æfing ársins 2023 verður í Brekkuskóla 15. janúar kl. 17:00
Gaman gaman
Mikið var gott að geta loksins haldið jólatónleika. Engar fjarlægðartakmarkanir og engar sóttvarnarreglur, bara gleði, gleði, jólagleði.
Tónleikarnir tókust virkilega vel og mæting var nokkuð góð. Kvennakórinn Salka heiðraði okkur, KvennkórsAkureyrar konur, með nærveru sinni. Þær sungu eins og englar og við að sjálfsögðu einnig. Í lokin fluttu kórarnir tvö sameiginleg lög og tónleikagestir tóku undir í lokalaginu.
Eftir tónleikana héldu kórarnir saman litlu jólin með kökum, kaffi og öðru góðgæti og tveir jólaveinar útbýttu gjöfum.
Það voru glaðar kórkonur sem héldu í jólafrí að loknum góðum degi.
Gleðilega hátíð.
