Dagskrá haustsins komin á síðuna

Dagskrá kórsins fyrir haustið 2010 er nú aðgengileg hér á síðunni undir liðnum Dagskrá. Greinilega margt skemmtilegt að gerast og næg verkefni til að takast á við eftir sumarfrí. Má þar nefna kórahátíð í Hofi, æfingabúðir og tvenna tónleika auk smærri viðburða. Stjórnandi kórsins er sem fyrr Daníel Þorsteinsson og formaður Snæfríð Eguilson.

Vortónleikar Kvennakórs Akureyrar

                                   Frá tónleikum í Laugarborg 8. maí 2010

Vortónleikar Kvennakórs Akureyrar verða haldnir í Akureyrarkirkju 30. maí nk. kl. 15.00

Stjórnandi er Daníel Þorsteinsson og undirleikari á píanó Helga Bryndís Magnúsdóttir.

Á efnisskránni eru lög úr ýmsum áttum, svo sem íslensk þjóðlög, lög úr West Side Story og margt fleira.

Miðaverð er 1500 krónur. Frítt fyrir 12 ára og yngri. Vinsamlegast athugið að ekki er tekið á móti greiðslukortum.

Góða skemmtun.

Kvennakórinn Embla – Tónleikar 28. maí

Kvennakórinn Embla heldur tónleika í Glerárkirkju föstudaginn 28. maí kl.
20:00. Flutt verða verk fyrir kvennakór eftir ýmsa höfunda, m.a. Franz
Liszt, Zoltán Kodály, Hector Berlioz, Þorkel Sigurbjörnsson og Jón Leifs.
Með kórnum koma fram Elín Ósk Óskarsdóttir sópran, Richard Simm píanó,
Sophie M Schoonjans harpa og Helga Kvam harmonium. Kórinn flytur síðan sama
prógram í Laugarneskirkju í Reykjavík sunnudaginn 30. maí.

Aðalfundur Kvennakórs Akureyrar

FUNDARBOÐ
AÐALFUNDUR KVENNAKÓRS AKUREYRAR
29. APRÍL 2010 Í BREKKUSKÓLA KL. 18:00

1.         Fundur settur
2.         Skipan fundarstjóra og fundarritara
3.         Lestur fundargerðar síðasta aðalfundar
4.         Skýrsla stjórnar og umræður
5.         Ársreikingar félagsins lagðir fram til umræðu og samþykktar
6.         Kosning tveggja skoðunarmanna ársreikninga og eins til vara
7.         Kosning stjórnar
8.         Lagabreytingar
9.         Önnur mál
a.         Félagsgjöld
b.         10 ára afmæli Kvennakórs Akureyrar
c.         Fjáröflun, þmt. árlegur haustmarkaður
d.         Drög að dagskrá næsta haust
e.         Annað
10.         Fundi slitið