Þann 27. desember verða tvennir jólatónleikar með Kvennakór Akureyrar og Karlakór Dalvíkur. Fyrri tónleikarnir verða í Akureyrarkirkju kl 16:00, en þeir seinni í Dalvíkurkirkju kl. 21:00. Forsala aðgöngumiða er í Pennanum og við innganginn á kr. 1.500.-
Kvennakór Akureyrar á tónleikum 29. nóv. 2009
Karlakór Dalvíkur
Kvennakór Akureyrar stóð fyrir sínum árlegu tónleikum til styrktar Mæðrastyrksnefnd Akureyrar þann 29. nóvember sl. Þetta var í 7. sinn sem kórinn hélt þessa tónleika og tókust þeir afar vel. Venjan er að kórinn fái góða gesti til liðs við sig og í þetta sinn voru það Kvennakórinn Salka á Dalvík og Skólakór Hrafnagilsskóla.
Allir sem komu að tónleikunum á einhvern hátt gáfu vinnu sína,auglýsingar voru fríar og ekki þurfti að greiða fyrir aðstöðuna í Akureyrarkirkju.
Í lok tónleikanna voru Ingu Ellertsdóttur frá Mæðrastyrksnefnd Akureyrar afhentar 350.000 krónur sem var afrakstur tónleikanna.
Kvennakór Akureyrar vill þakka öllum sem komu að þessum tónleikum og ekki síst frábærum tónleikagestum.
Æfingar hafa farið vel af stað nú í haust, Daníel Þorsteinsson stjórnar þeim eins og í fyrra, en síðasta sunnudag kom Michael J. Clarke og var með raddþjálfun.
Helgina 23. – 24. okt. verður nóg um að vera því að föstudaginn 23. okt verður kökubasar á Glerártorgi kl. 15:00-18:00, eða meðan birgðir endast. Þessir kökubasarar kvennakórsins eru löngu orðnir frægir, kökurnar alveg með eindæmum góðar og renna út eins og heitar lummur.
Laugardaginn 24. okt. fer kórinn svo í æfingabúðir út í Hrísey og dvelur þar allan daginn við söng frá morgni til miðnættis eða þar um bil. Æfingadagar sem þessi eru haldnir ca 2svar á vetri og eru afar nauðsynlegir bæði til þess að ná betri árangri í söngnum og eins til þess að efla liðsandann.
Þegar nær dregur jólum verður hér sagt frá tónleikahaldi í desember, en dagsetningar á þeim má finna hér á síðunni undir Dagskrá.
Næsta sunnudag á sópran 1 og 2 að mæta kl. 16:00, en alt 1 og 2 á að mæta kl. 17:00.
Svona tilkynningar til kórfélaga munu framvegis birtast á svæði sem er einungis opið kórfélögum sem hafa skráð sig inn með notendanafni og lykilorði.
Kórfélagar! Nú er um að gera að skrá sig inn sem notanda.
Kvennakór Akureyrar er nú að byrja sitt 8. starfsár. Æft er einu sinni í viku, á sunnudögum frá kl. 17:00 – 19:00 í Brekkuskóla og verður fyrsta æfing vetrarins 13. september nk. Stjórnandi er Daníel Þorsteinsson. Nú óskum við eftir hressum söngkonum í allar raddir og hvetjum við allar nýjar kórkonur að mæta í raddprufu, sem fer fram í Brekkuskóla sunnudaginn 13. september kl. 16:00, en æfing hefst að þeim loknum. Kórstarfið verður spennandi sem endranær, og er efnisskráin fjölbreytt með lögum úr ýmsum áttum og frá ólíkum tímum.
Hlökkum til að sjá ykkur allar, gamlar sem nýjar kórkonur
Bestu söngkveðjur Kvennakór Akureyrar
Jæja stelpur, nú þurfum við að fara að snúa okkur að kórstarfinu aftur!
Byrjum á að taka frá 29. ágúst, þá er Akureyrarvakan, síðan er það 5. september, þá höldum við markað í Marki og svo verður fyrsta æfingin sunnudaginn 13. september. Nánar um þetta allt saman þegar nær dregur.
Markaður Kvennakórs Akureyrar laugardaginn 5. sept.!
Kæru kórfélagar!
Það er æfing fyrir Akureyrarvökuna í Lóni fimmtudaginn 27. ág. kl. 20:00 – ca 21:30. Sjá nánar í tölvupósti frá formanninum!
Á morgun föstudaginn 5. júní leggur kórinn af stað í sína árlegu vorferð. Að þessu sinn er ferðinni heitið á Neskaupsstað. Þar verða haldnir tónleikar í Norðfjarðarkirkju kl. 15:00 laugardaginn 6. júní og síðan verður sungið við hátíðarmessu á sama stað á sjómannadaginn kl. 14:00.
Mikill ferðahugur er í kórfélögum og í ferðina fara rúmlega 60 manns. Ef veður verður gott verður farið í siglingu með bátaflota Norðfirðinga að morgni sjómannadags og einnig verður farið í kynnisferð um staðinn.