Aðalfundur og næstu verkefni

Sunnudaginn 16. september var aðalfundur kórsins haldinn í Brekkuskóla.  Lítilsháttar breytingar urðu á stjórninn þar sem Anna Breiðfjörð Sigurðardóttir lét af starfi gjaldkera en Sigríður Jónsdóttir tók við.  Stjórnin er þá þannig skipuð:
Þórunn Jónsdóttir, formaður, Halla Sigurðardóttir, varaformaður, Sigríður Jónsdóttir, gjaldkeri, Valdís Þorsteinsdóttir, ritari og Margrét Ragúels, meðstjórnandi.

Næst á döfinni hjá kórnum er þetta:

Sunnudaginn 7. október verður haldið bingó í Brekkuskóla til fjáröflunar fyrir kórinn, því nú er fyrirhuguð ferð á kóramót á Ítalíu næsta sumar.

Kórinn syngur í Bleikri messu í Akureyrarkirkju 14. október kl 20, en sú messa er haldin árlega í tengslum við árveknisátak Krabbameinsfélagsins.

Æfingahelgi verður haldin fyrir kórfélaga 27. – 28. október að Hótel Natur á Þórisstöðum á Svalbarðsströnd.

 

Mæðradagstónleikar og kökuhlaðborð 13. maí

Kvennakór Akureyrar heldur vortónleika sína á mæðradag, 13. maí 2018 í Akureyrarkirkju kl 14:00

Tónlistin er einstaklega ljúf og notaleg, með áherslu á sjöunda áratug síðustu aldar.

Kórinn býður tónleikagestum í veglegt kökuhlaðborð í safnaðarheimilinu að tónleikum loknum.

Miðaverð er kr. 4000,- en ókeypis er fyrir 15 ára og yngri. Enginn posi.

Stjórnandi er Sigrún Magna Þórsteinsdóttir. Helga Bryndís Magnúsdóttirleikur á píanó og Ave Sillaots leikur á harmonikku.

Akureyrarstofa er styrktaraðili tónleikanna.

 

Þrír kvennakórar í Miðgarði í Skagafirði

Laugardaginn 7. apríl verða haldnir tónleikar í Menningarhúsinu Miðgarði í Skagafirði þar sem 3 kvennakórar koma saman og syngja.

Kvennakórinn Sóldís stendur fyrir þessum viðburði og bauð 4 kvennakórum af Norðurlandi þátttöku, en 2 þeirra komust ekki á þessum tíma.

Ef vel tekst til er ætlunin að gera þetta að árlegum viðburði og munu kórarnir skiptast á að vera gestgjafar.

Kórarnir sem koma fram eru Kvennakórinn Sóldís, Kvennakórinn Embla og Kvennakór Akureyrar og hefjast tónleikarnir kl. 16:00.

 

Þátttaka í kórahátíð í Hofi í kvöld

Í kvöld 22. janúar tekur Kvennakór Akureyrar þátt í kórahátíð í Hofi.  Tónlistarfélag Akureyrar, sem er einn af stofnendum Tónlistarskólans á Akureyri, heldur upp á 75 ára afmæli sitt með glæsilegri tónlistarveislu í Hofi dagana 22. – 28. janúar. Dagskrána vikunnar má sjá á tonak.is og  mak.is

Í kvöld 22. janúar kl. 20 er það Kórahátíð:  Kvennakór Akureyrar, stjórnandi Sigrún Magna Þórsteinsdóttir, Karlakór Eyjafjarðar, stjórnandi Guðlaugur Viktorsson, Kór aldraðra í fínu formi, sjórnandi Petra Björk Pálsdóttir og Kvennakórinn Emblur, stjórnandi Roar Kvam. Meðleikarar á píanó, Helga Kvam og Valmar Väljaots.

Jólatónleikar

Kvennakór Akureyrar og Kammerkórinn Ísold ásamt hljómsveit halda jólatónleika sína fimmtudaginn 14. desember í Akureyrarkirkju kl. 20:00.

Stjórnandi beggja kóra er Sigrún Magna Þórsteinsdóttir.

Miðaverð er kr. 3000,- en ókeypis fyrir börn undir 14 ára. Enginn posi.

Akureyrarstofa er styrktaraðili tónleikanna.

Fréttayfirlit

Starfsemin á þessu hausti hófst þann 10. september og stjórnandi kórsins er áfram Sigrún Magna Þórsteinsdóttir sem stjórnað hefur kórnum frá því í mars 2017.  Æfingar eru á sunnudögum og kórfélagar eru um 65 talsins.

Aðalfundur var haldinn 17. september og var stjórnin sem starfaði á síðasta starfsári endurkjörin. Þórunn Jónsdóttir er formaður, Halla Sigurðardóttir varaformaður, Anna B. Sigurðardóttir gjaldkeri, Valdís Þorsteinsdóttir ritari og Margrét Ragúels meðstjórnandi.

F.v.  Anna, Valdís, Þórunn, Halla og Margrét.

Æfingadagur var haldinn í Brekkuskóla 23 september og æft af krafti fyrir hausttónleikana sem síðan voru haldnir 8. október kl. 17:00 í Akureyrarkirkju. Klukkan 20:00 sama kvöld söng kórinn síðan í Bleikri messu í Akureyrarkirkju en slík messa er haldin þar árlega í október.

Að þessu loknu var tekið til við að æfa á fullu fyrir jólatónleikana sem haldnir verða 14. desember. Þessir tónleikar verða nánar auglýstir síðar en ljóst er að þar verður um að ræða fínustu skemmtun þar sem sungin verða bæði hefðbundin og óhefðbundin jólalög við undirleik góðra hljóðfæraleikara.